ҰСТАЗДЫ ЕСКЕ АЛУ

Аннотация (түйіндеме)

Естелік 2019 жылдың 17 сәуірінде өмірден озған Яков Абрамович Шердің жарқын бейнесіне арналған. Я.А. Шердің шығармашылығы сан қырлы және ғылымның бірнеше саласын қамтиды: палеолитологиялық, жартастық, мүсіндік секілді ежелгі өнерді зерттеу; археология ғылымының теориясын түзу, археологияға статистикалық зерттеулерді және музей ісінде ақпараттық технологияларды енгізу; оқытушылық қызметтерді атқарды. Я.А. Шер қазақстандық ғылымға мамандар дайындаумен тығыз байланыста болған, алғашқы қауым өнерін зерттеу жөніндегі кемеровтік ғылыми мектептің дамуына үлкен үлес қосқан ғалым. Естелік авторы, осыдан жарты ғасыр бұрын шыққан Я.А. Шердің «Жетісудың тас мүсіндері» («Каменные изваяния Семиречья») атты кітабы осы уақытқа дейін өз өзектілігін жоймағандығына баса назар аударады. Азиаттық даланың мүсін өнерін зерттеуге арналған кез келген жұмыс бұл жарияланымды айналып өте алмайды. Я.А. Шер бар ғұмырын толықтай ғылымға арнаған зерттеуші ретінде есімізде сақталады.