З.Ж. ШАРДЕНОВАНЫ ЕСКЕ АЛУ

Аннотация (түйіндеме)

Естелікте 2019 жылғы наурыз айының басында өмірден озған З.Ж. Шарденованың ғылыми шығармашылығының негізгі кезеңдері айтылады. Зухра Жанатайқызының еңбек жолы Ш. Уәлиханов атындағы Тарих, археология және этнография институты археология бөлімінен басталып, кейіннен Ә.Х. Марғұлан атындағы Археология институтының урбанизация және номадизм бөлімінде жалғасын тапты. З.Ж. Шарденованың ғылыми қызығушылығы, архитектор мамандығы болғандықтан болар, негізінен ортағасырлардағы қала мәдениеті ескерткіштерінің құрылымдық ерекшеліктерін зерттеу болды. Кандидаттық дисертациялық жұмысы да IV ғасырдың басынан ІХ ғасыр аралығындағы Оңтүстік Қазақстан мен Жетісудің тұрғын жай архитектурасын талдауға арналған. З.Ж. Шарденова өмірінің соңғы жылдары Ақыртас қорғанының архитектуралық ерекшеліктерін зерттеумен айналысқан болатын.