БОТАЙ ЕСКЕРТКІШТЕРІНДЕГІ ЗЕРТТЕУЛЕРГЕ АРНАЛҒАН ХАЛЫ ҚАРАЛЫ Қ ҒЫЛЫ МИ-ТӘЖІРИБЕЛІК КОНФЕРЕНЦИЯ ЖАЙЫНДА

Аннотация (түйіндеме)

Халықаралық конференцияның жұмысы барысында энеолит кезеңімен мерзімделетін Ботай ескерткіштеріне жүргізілген пәнаралық зерттеулердің негізгі қорытындылары талқыланды. Конференция жұмысына түрлі ғылым, мәдениет саласындағы алыс және жақын шетелдердің жетекші ғалымдары қатысты. Конференцияның негізгі бағыттарының бірі – Орталық Азия аумағындағы жылқыны алғаш қолға үйрету мәселелері қарастырылды. Баяндамалардың ішінде сүйек қалдықтары арқылы зерттеулер аясында мәденигенез және ескерткіштердің мәдени негіздері тұрғысында сараптамалардың қорытындылары туралы генетика саласының жұмыстарын айрықша атап өтуге болады. Сонымен қатар, мәдени шекаралардың динамикалық дамуы мен кеңеюінде ерекше орын алатын ежелгі көші-қон үдерістеріне әсер еткен жылқыны қолға үйретумен қатар, табиғи-климаттық факторлар да талқыланды. Конференцияның қорытындысында энеолиттік ескерткіштерді пәнаралық зерттеулер әдістері арқылы ары қарай зерттеудің маңызы жоғары екендігі айтылды.