Марғұлан оқулары–2022

Аннотация (түйіндеме)

2022 ж.12–13 сәуір аралығында ҚР БҒМ Ғылым комитетінің Ә.Х. Марғұлан атындағы Археология институты Әл-Фараби атындағы ҚазҰУ-нің тарих факультетімен бірлесе отырып, кезекті «Марғұлан оқулары – 2022» халықаралық ғылыми-тәжірибелік конференциясын өткізді. Конференция жұмысына Қазақстан, АҚШ,Әзірбайжан, Бельгия, Италия, Қырғызстан, Өзбекстан, Ресей, Ұлыбританияныңбілім, ғылым және мәдениет мекемелерінің ғалымдары тікелей және қашықтан қатысты. Конференцияда 100-ден астам ғылыми баяндамалар тыңдалды, олар пленарлық отырыста және конференцияның үш секциясында ұсынылды. Баяндамалар Қазақстан мен көршілес елдердің археология ғылымының қазіргі жай-күйіне, мәселелері мен даму перспективаларына арналды. Конференция жұмысының маңызды бағыты Орталық Азия мен Қазақстанның археологиялық мұрасын зерттеу, сақтау және көпшілікке тарату саласындағы гуманитарлық және жаратылыстану білімдерін интеграциялау болды.Конференция жұмысы аясында «Қазақстанның ежелгі тарихын зерттеудегі археология мен генетика мәліметтерін интеграциялау мәселелері» тақырыбында дөңгелек үстел өткізілді. Аталған іс-шара барысында археолог-мамандар, антропологтар мен генетиктер бірлескен зерттеулер шеңберінде өзара әрекеттестік мәселелері мен перспективаларын талқылады, Қазақстанның палеогенетика саласындағы пәнаралық жобаларды іске асыру мүмкіндігін қарастырды.Жалпы, конференция археология саласында ғылыми байланыстар орнату, ақпарат алмасу және халықаралық ынтымақтастықты дамыту бойынша өзекті алаңға айналды.