Еуразиялық мәдени кеңістігіндегі байланыстар мен өзара қарым қатынастар контекстіндегі шығыс Еуропа, Орталық Азия және Оңтүстік Сібірдің ежелгі тарихы» (жаңа мәліметтер мен тұжырымдамалар)» атты халықаралық конференцияның жұмысы туралы

Аннотация (түйіндеме)

2019 жылдың 18–22 қарашасында Санкт-Петербург қаласында РҒА Материалдық мәдениет тарихы нституты және Мемлекеттік Эрмитаждың ұйымдастыруымен «Еуразиялық мәдени кеңістіктігіндегі байланыстар мен өзара қарым-қатынастар контекстіндегі Шығыс Еуропа, Орталық Азия және Оңтүстік Сібірдің ежелгі тарихы» атты В.М. Масссонның 90 жылдық және В.С. Бочкаревтің 80 жылдық мерейтойына арналған халықаралық конференция өтті. Конференцияға 22 мемлекеттің ғалымдары қатысып, 232 баяндамалар оқылып, талқыланды. Қазақстан ғалымдарының құрамында Ә.Х. Марғұлан атындағы Археология институтының, академик Е.А. Бөкетов атындағы Қарағанды мемлекеттік университеті жанындағы Сарыарқа археологиялық институтының, А. Байтұрсынов атындағы Қостанай мемлекеттік университетінің, С. Торайғыров атындағы Павлодар мемлекеттік университетінің, Х.Я. Яссауи атындағы Халықаралық қазақ-түрік университетінің, Қорқыт ата атындағы Қызылорда мемлекеттік университетінің, ЮНЕСКО аясындағы Мәдениеттерді жақындастыру орталығының археологтары, ғылыми қызметкерлері мен ғалымдары қатысты. Қатысушылардың жұмыстары ежелгі қоғамның хронологиясы мен мәденигенезіне, ежелгі тұрғындардың мәдениетіне, энеолит-қола дәуірінің далалық мәдениеттеріне арналды.