РЕСЕЙ АКАДЕМИЯЛЫҚ АРХЕОЛОГИЯСЫНЫҢ 100 жылдығына АРНАЛҒАН «ЕУРАЗИЯНЫҢ КӨШПЕЛІ ИМПЕРИЯЛАРЫ АРХЕОЛОГИЯЛЫҚ ЖӘНЕ ПӘНАРАЛЫҚ ЗЕРТТЕУЛЕР ТҰРҒЫСЫНАН» атты ЕУРАЗИЯ ДАЛАСЫНЫҢ ОРТАҒАСЫРЛЫҚ АРХЕОЛОГИЯСЫНЫҢ IV ХАЛЫҚАРАЛЫҚ КОНГРЕССІ ТУРАЛЫ

Аннотация (түйіндеме)

2019 жылдың 14–21 қыркүйегі аралығында Ресей Федерациясының Бурят Республикасының астанасы Улан-Удэ қаласындағы Ресей ғылым академиясының Сібір бөлімшесінің Моңғолтану, буддология және тибетология институтында «Ресей академиялық археологиясының 100 жылдығына арналған «Еуразияның көшпелі империялары археологиялық және пәнаралық зерттеулер тұрғысынан» тақырыбында Еуразия даласының ортағасырлық археологиясының IV халықаралық конгрессі болып өтті. Еуразия даласының археологиясына арналған конгресс – іргелі ғылыми зерттеулердің қорытындыларын талқылып, талдауға арналған жиын. Конгресс тұрақты түрде ұйымдастырылып келе жатқан ірі ғылыми іс-шара. Дәстүрлі түрде өткізіліп отырған конгресс жұмысына Қазақстан, Ресей, Монғолия, Қытай, Қырғызстан, Франция, Ұлыбритания, Венгрия және т.б. алыс және жақын шетелдерден барлығы 217 баяндама келіп түсті. Конгресске ұсынылған баяндамалар далалық археологиялық зерттеу нәтижелерімен таныстыру, археологиялық материалдар мен жазба деректері негізінде Еуразия даласында қалыптасқан көшпелі мемлекеттердің әлеуметтік, экономикалық және саяси қатынастарын анықтауға бағытталған.